Ginpasiguro ni Speaker Martin Romualdez nga pagahimuon nga “top priority” it Kamara ro proposisyong 6.352 trillion pesos nga pambansang pondo para sa masunod nga dag-on sa pagbalik it sesyon.
Raya hay kasunod it pag-apruba ni Pangueong Ferdinand Marcos Jr. sa National Expenditure Program nga mas mataas it 10.1 percent kumpara sa presenteng national budget.
Ginpahayag ni Romualdez nga mag-eowas sa naunang commitment nga igapasa ro nabilin nga priority measures it Legislative-Executive Development Advisory Council ukon LEDAC, magadoble-kayod ro Manabang Kapueungan para ipasa ro 2025 General Appropriations Bill antes ro break sa pagtapos it Setyembre.
Pagkatapos kara hay insigida sigon nga iga-transmit sa Senado ro General Appropriations Bill para sa andang konsiderasyon.
Kaparehas sa ginpromisa, ginkumpirma ni Romualdez nga pagasiguraduhon ro bastanteng pondo para sa eduksyon, agrikultura, modernisasyon ag kapakanan it Armed Forces, imprastraktura ag ro legacy projects ni Pangueong Marcos Jr.
