Ginmanduan it Korte Suprema ro Senado nga magdihon it komento angot sa petisyong gindihon ni suspended Bamban Mayor Alice Guo nga nagahinyo nga mawad-an it bisa ro subpoena nga gin-isyu it Senate Committee on Women, Children, Family Relations, and Gender Equality kontra kana.
Nag-apela man raya sa matag-as nga hukuman nga mag-isyu it temporary restraining order (TRO) ukon preliminary writ of injunction nga magabawae ukon magapapundo sa nasambit nga komite agud imbitahan imaw bilang resource person sa mga pagpamati nga ginahimo kamana man ro pag-imbestiga sa anang personal ag pribadong kabuhi.
Angot kara, ginmanduan it Korte ro Officer of the Clerk of Court En Banc nga personal nga idihon ro resolusyon it hukuman sa Senado nga personal man nga magadihon ag magaserbe it andang komento.
