KALIBO ,Aklan– Kapin sa limang dag-on eon nga ginagamit it Provincial Tourism Office ro tagline nga Feel Alive, Feel Aklan.
Ginpaathag ni provincial tourism officer Rosselle Ruiz nga naconceptualize ro nasambit nga tagline sa pagbueoligan it mga tourism officer ag ni Kalibo sangguniang bayan Philip Kimpo kon sa siin ana nga inisyatibo ro literature.
Tuyo sigon it tagline nga mabatyagan it mga bisita ag turista nga alive sanda sa pagbisita sa Aklan.
Sa pagsamit it mga manami nga pagkaon, pagbisita sa mga ginapabugae nga attraction ag destination kamana man ro mayad nga pag-abi-abi kanda bilang mainabi-abihon nga mga Akeanon.
Sa kada may aktibidad sigon ro andang taeatapan hay inde maduea nga idikit ro Feel Alive, Feel Aklan.
Nasayuran nga bukon eamang it isla it Boracay ro ginapabugae nga tourist attraction sa probinsya it Aklan kundi maging sa ibang kabanwahanan hay may mga mad-ayad man nga mga beaches, falls ag maabong iba pa nga siguradong magustuhan it mga bisita
