POLICE Report — Makangieidlis ro naging pagkamatay it 60-anyos nga ama matapos nga utdan it ueo ag ginbo-oe pa ro anang kasudlan it unga nga eaeaki sa Purok 1A Gapas, Barangay Madaum, Tagum City, Davao del Norte.
Sa inisyal nga imbestigasyon it Tagum City Police Investigation and Detective Management Section, bandang alas-6 it agahon it Domingo, Enero 19 kat pugutan it ueo ro biktimang nakilaeang si Loloy Barles it anang unga nga si alyas Balono Barles.
Matapos pugutan hay ginbo-oe pa it suspek ro kasudlan it ama ag ginpangtadtad ag ginbutang sa sangka container.
Suno sa pulisya, ko una hay gin-eaum nanda nga naka-droga ro suspek apang ginpahayag it pamilya nga may sakit sigon raya sa paminsaron ag sa kamatuoran hay naga-inom man raya it anang maintenance nga bueong.
Narekober sa crime scene ro sangka bolo, martilyo, pala ag kariton nga gingamit sigon sa brutal nga pagpatay.
Samtang, presenteng sa kustodiya it pulisya ro suspek nga nagapangatubang sa kasong parricide.