Sports — Uman nga nakasamit it kapierdihan ro basketball powerhouse sa daywang magkasunod nga kahigayunan sa ginpatigayon nga exhibition game para sa Tokyo Olympics.
Gindomina it Australia Men’s National Team ro hampang kontra sa USA Men’s National Team nga ginpatigayon sa Michelob ULTRA Arena sa Las Vegas, Nevada.
Madumduman nga ko nagtaliwan nga adlaw hay ginpierde man it Nigeria ro team USA nga makabig nga sambilog sa andang biggest upsets sa men’s international basketball play.
Kaina pierde man ro team USA kontra sa Australia sa score nga 91-83.
Nasayuran nga kaibahan sa team USA sanday Kevin Durant, Damian Lillard, Bradley Beal, Jayson Tatum, Zach LaVine, Bam Adebayo.
Samtang kaibahan sa team Australia sanday Joe Ingles, Patty Mills, Aron Baynes and Matthew Dellavedova. Kaibahan man nanda ro Sixers defensive stopper Matisse Thybulle ag G Dante Exum.
Ginpangunahan ni Mills ro Aussies ro scoring nga nakatipon it 22 points samtang si Ingles hay maka amot it 17.
Hin-aga nga adlaw Hulyo 14 hay maka-atubang it USA ro Argentina para sa andang masunod nga exhibition contest.
