KALIBO, Aklan — Teamwork ro naging yabe it barangay council it Caticlan rason nga nabo-oe ro prestihiyosong Seal of Good Local Governance for Barangays (SGLGB) 2024 award halin sa Department of the Interior and Local Government (DILG).
Suno kay Punong Barangay Ralf Tolosa it Caticlan, Malay nga maskin mabudlay apang pinaagi sa pagbueuligan hay natigayon nanda nga mapatuman ro mga gina-require nga trabaho ag mga dokumento .
Nasayuran nga sa masobra sa 4,000 nga mga barangays sa bilog nga Western Visayas nga ginpaidaeum sa assessment, maswerteng naeakip ro Caticlan sa mga naka-comply.
Sambilog sanda sa an-um nga eamang nga barangay sa Aklan nga nakabaton it nasambit nga award, ag naga-isaeahanon nga barangay sa banwa it Malay.
Ro SGLGB hay ro programa it DILG nga nagakilaea sa mga barangay sa andang mayad nga performance sa pang-ginobyerno nga nagatuyo nga mapa-ayos ro local services pinaagi sa pag engganyo sa mga barangay nga magtinguha sa padayun nga pag-improve.
Ro pasidungog hay ginatau sa mga barangay nga nagpakita it kamayad sa nagkaeain-eain nga patag, kaibahan ro kaeowasan ag seguridad, pagdumaea sa pinansiyal, kahauman sa anuman nga sakuna, proteksyong pangsosyudad, business friendly, ag pagprotekta sa palibot.
