KALIBO, Aklan—Mabatyagan makaron ro tensyon sa palibot it Moscow kasunod it pag-anunsyo ni Russian President Vladimir Putin angot sa activition it 300,000 nga mga reservists para sa giyera kontra sa Ukraine.
Suno kay Bombo International Correspondent Alma Arcilla nga igapadaea ro mga natungdan nga indibidwal sa Donbass Region bilang dugang nga pwersa it Russia sa nagapadayun nga bakbakan.
Ro mga eksperyensyado ag may kasayuran sigon sa nuclear ro ginapatawag it presidente kung siin ro kada baeay hay ginpadaehan it sueat para sanda hay imbitahan.
May kaangtanan kara, kaabuan sa mga Russian hay bukon it pabor nga magpasakop sa giyera.
Rason nga maabu nga pumueoyo ro dumagsa sa mga paeuparan para magbiyahe paadto sa mga kaeapit nga nasyon kapareho it Dubai, Armenia, Turkey ag Israel matapos ro naging anunsyo ni Putin.
Apisar nga mahae ro presyo it ticket ginpilit gihapon it mga raya nga maka-eupad pagguwa it andang nasyon.
