KALIBO, Aklan—Kapin sa 92,045 tourists ro nailistang tourist arrival sa isla it Boracay sa unang daywang dominggo sa buean it Abril.
Sa ginpaguwa nga datos it Malay Tourism Office, ro nasambit nga libo-libong numero it tourist arrival hay ginakaeakipan it 72,893 nga domestic tourist; 990 ro overseas Filipinos ag 18,162 ro foreign tourist.
Angot kara, ginaeauman it taeatapan nga magalobo pa ro tourist arrival hasta sa pagtapos it buean bangud sa naeksperyensyahan nga tuman kainit it panyempo.
Sa makaron hay nagapadayon ro waea-tuo nga beach parties sa gabie samtang sa adlaw hay nagaarangkada man ro mga nagkaeain-eain nga water sports activities nga masaming ginadayo it mga turista kada summer season.
Samtang, padayon man ro pagpahaom it Malay Tourism Office it lokal nga gobyerno it Malay sa nagahilapit nga La Boracay nga may mga regulated activities agud nga mapabilin nga maamligan ro environment.
