KALIBO, Aklan—Humampak eon sa 30,791 ro visitor arrivals sa isla it Boracay halin Hulyo 1 hasta 26 makaron nga dag-on, base sa datos nga ginpagguwa it Malay Tourism Office it lokal nga gobyerno it Malay.
Suno kay Malay Chief Tourism Operations Officer Felix delos Santos, nagaeaum sanda nga indi maapektuhan it paeag it Delta variant it COVID-19 ro pagbuhos it maabo nga mga turista.
Sa datus hay nagapangunaha pa gihapon ro National Capital Region (NCR) sa listahan nga may 19,305 nga ginsundan it Calabarzon sa 6,374 ag Central Luzon nga may 2,213 arrivals.
Amat-amat eon man sigon nga naga-abo ro mga turista halin sa Cebu.
Kaabuan sa mga turista hay nagbiyahe sa Boracay sakay it eroplano nga may kabilugan nga 17,868 samtang ro land transportation hay 573 ag ro sumakay sa barko hay umabot sa 37.
Samtang, mag-eowas sa Unkabogable star Vice Ganda kaibahan ro partner nga si Ion Perez, spotted man nga magkaibahan sa Boracay sanday Eric Santos, Jayson Dy, ag Alex Diaz.
