Will Smith uman nga nagpangayo it pasaylo  kay Chris Rock bangud sa pagsampae kara ko nagtaliwan nga   Oscars award

Eubosan sa gihapon ro pag-nuoe ni Will Smith sa ginhimu kara nga  pagpanampae kay Chris Rock sa nagtaliwan nga Oscars Awards ceremony.

Sa panibag-ong video nga ginpaguwa kara sa social media, ginpahayag kara ro anang ginhimu nga pagpaabot it pasaylo  sa kaparehong actor.

Apang bukon pa sigon it haum ro  komendyanteng si Rock para makig-istorya sa aktor.

Dugang pa kara nga haum ro aktor ano mang oras nga makig-istorya engkaso magbag-o ro desisyon  ni Rock.

Madumduman nga ko nagtaliwan nga  Marso hay naging kontrobersyal ro nasambit nga award tag sampaeon  ni Smith si Rock bangud sa owa kara nagustuhan ro ginpahayag angot sa anang asawa.

Bangud kara hay ginbawaean  si Smith nga makatambong sa ano man nga Oscars Award.