Nakataeana nga makigkita si US President Donald Trump sa mga opisyales halin sa mga mabahoe nga kompanya it langis sa Amerika sa White House agud talakayon ro kahimtangan it industriya it langis it Venezuela.
Ginaeauman nga paga-istoryahan sa pueong kon paalin nga makabulig ro mga kompanya it langis sa Estados Unidos nga mapabalik ro produksyon it langis it Venezuela nga nagapangatubang makaron sa pagkalugi bangud sa naguba nga mga pasilidad ag mga sanctions.
Suno kay Trump nga ro uman nga pagbuhi sa industriya it langis it Venezuela hay makabulig sa pagpataas it suplay kara sa bilog nga kalibutan ag pagpanaba it presyo.
Apang, ginpabutyag it mga eksperto nga magabuhay raya it dinag-on ag magakinahangean it binilyong dolyar agud maibalik ro bilog nga produksyon it langis sa nasambit nga nasyon sa dating lebel.
