BALITANG Espesyal —- Sangka mangunguma halin sa Israel ro nakabo-oe it Guinness World Record matapos nga ma-harvest ro mabahoe nga strawberry nga nagatimbang it 10.19 ounces.
Suno sa Guinness, si Ariel Chahi, kun sa siin ro pamilya ro nagapanag-iya it negosyong Strawberries in the Field sa Kadima-Zoran, Israel ro nakabo-oe it record para sa world’s heaviest strawberry matapos nga ro anang gin-ani nga prutas hay nagtimbang it 10.19 ounces, nagpierde sa dating record nga 8.82 ounces.
Ginasugid nga ro strawberry hay sangka Ilan variety, nga unang gin- bred ni Nir Dai, sangka researcher halin sa Agricultural Research Organization it nasambit nga nasyon.
Si Dai nga sambilog sa mga naging witness sa pagtimbang sa Chahi’s strawberry hay naghambae nga posibleng nagbahoe it mayad ro size it strawberry bangud sa tumaeagsahon nga cold temperatures ko enero ag pebrero.
