KALIBO, AKLAN — Naga abot sa 145 nga bumbero ag 15 fire trucks it Bureau of Fire Protection (BFP) ro igapadaea para sa pagahiwatog pueong it Association of Southeast Asian Nations (ASEAN) sa isla it Boracay nga maga umpisa sa masunod nga dominggo.
Gin eksplikar ni Aklan Provincial Fire Marshall Senior Fire Inspector Patricio Collado nga ro mga fire trucks maghalin sa BFP municipal fire stations sa Aklan, Passi City, Iloilo ag Mambusao, Capiz ro igapadaea sa Boracay ag mainland Malay agud magbulig sa emergency ag security forces.
Suno kay Collado, sa 15 fire trucks, waeo ro naka-standby sa billeting venues bilang pagpahaum engkasong makaangkon it sunog sa Boracay samtang, ro iba pang units ag mga bumbero hay iga butang sa mga staging areas sa banwa it Malay.
Sanda man sigon ro gin manduan agud masiguro nga nagasunod sa fire safety ro tanan it mga venues ag establisimento samtang ginapatigayun ro ASEAN meetings sa isla.
Mag eowas sa mga bumbero maghalin sa Aklan, kaibahan man sa augmentation ro mga personnel maghalin sa Antique, Guimaras, Iloilo ag Capiz.
