POLICE Report — Patay ro magmaeanghud matapos nga eab-on it namueaw-mueawan nga kaugalingon nanda nga ama sa Iba, Zambales.
Nasayuran nga ro mga biktima hay naga-edad it pito ag 11-anyos samtang naninahan man ro andang ina ag sambilog pang igmanghud sa natabu nga krimen sa sueod it baeay it magpamilya ko aga-aga it Hulyo 26.
Suno kay Mary Jane Mercado, ina it mga unga nga gulpi eamang sigon nga nagbo-oe it sanduko ro anang mister pagkabugtaw kara.
Gin-hawiran pa sigon nana ro anang asawa apang maskin imaw hay gin-eabu man.
Masakit sigon para kana ro natabu bangud sa brutal nga kamatayon it anang mga unga halin sa alima it andang ama.
Dugang pa it ina nga bukon man it hilong ro anang asawa ag owa man sigon nagagamit it droga nga ginkumpirma it kapulisan.
