KALIBO, Aklan – – – Nakataeanang pagapasidunggan ro 20 nga nagapangunang taxpayers ag business partners it munisipyo it Kalibo.
Raya hay kadungan sa selebrasyon it ika-446th foundation day it banwa it Kalibo sa Nobyembre 3 sa Magsaysay park.
Raya hay pagapangunahan ni Kalibo Mayor William Lachica, Vice Mayor Madeline Regalado ag Municipal Treasurer Rey Villaruel.
Gintaw-an it sustainability award ro sangka mabahoe nga mall nga nahamtang sa Roxas Avenue Extension, Brgy. Andagao Kalibo nga may ginbayaran nga buwis nga naga-abot sa masobra sa 7.4 million pesos.
Samtang, nakasueod man sa hall of fame award ro sangka mabahoe nga pharmaceutical company nga may buwis nga ginbayaran nga kapin sa 4.5 million pesos.
Sa pihak nga parte, magapatigayon man ro Munisipyo it Kalibo it Business Forum Year 3 nga may tema nga Kalibo 2017, Big Step Forward sa maabot nga Nobyembre 7, alas-9:00 it agahon sa sangka cafe.
