KALIBO, Aklan — Ginkumpirma ni Aklan Rep. Carlito Marquez nga an-om sandang kongresista halin sa Western Visayas ro kaeakip sa nag-indorso sa Kamara sa impeachment complaint kontra kay Chief Justice Maria Lourdes Sereno.
Kaibahan sigon kara sanday Deputy Speaker Fredinil Castro it Capiz, Iloilo City Rep. Jerry Trenas, Iloilo 4th District Rep. Ferjenel Biron, Iloilo 5th District Rep. Raul Tupas ag Iloilo 3rd District Rep. Arturo Defensor, Jr.
Pirmado sigon nanday Volunteers Against Crime and Corruption (VACC) founding chairman Dante Jimenez ag Vanguard of the Philippines Constitution, Inc. (VPCI) president Eligio Mallari ro pangaywang impeachment complaint kontra kay Sereno.
Gin-akusahan it grupo ro SC chief it culpable violation of the Constitution ag betrayal of public trust.
