-- ADVERTISEMENT --
KALIBO, Aklan—Uman nga nagpromisa ro Estados Unidos nga magatao it kapin sa $820 million nga military assistance sa Ukraine.
Raya hay bilang bulig it Amerika sa nagapadayun nga bakbakan sa tunga it Ukraine ag Russia.
Suno kay Bombo International Correspondent Pinoy Gonzales nga raya eon ro ika-14 beses nga pagtao it kwarta ag armas it andang nasyon sa gobyerno it Ukraine.
-- ADVERTISEMENT --
Sa kabilugan, naga-abot eon sigon sa haeos $7 billion ro gintao nga military assistance it US government.
Apang, raya sigon hay haeos puro promisa eamang ag owa pa nakaabot sa pagataw-an.
Ginpahayag pa ni Gonzales nga gina-batikos eon it ibang pumueoyo si US President Joe Biden bangud sa promisa kara nga owa nataw-an it katumanan.
