-- ADVERTISEMENT --
KALIBO, AKLAN — Pinagkaguluhan it mga residente ro sangka patay nga balyena nga dinagsa sa baybayong sakop it Brgy. Nagustan, Nabas, Aklan.
Suno kay PO3 Zaldy Belen it Nabas Police Station nga gina tantiyang sa 200 kilos ro kabug-at it balyena ag may habang 11 feet.
Gina sugid nga tatlo hasta sa ap-at nga adlaw eon nga patay sa dagat ro nasambitang balyena.
Gina patihan nga namatay raya tuga it tama it bala sa anang eawas.
Bangud sa naga hugom eon, nagdesisyon ro kapulisan ag mga residente nga i-eubong eon lang ro balyena.
-- ADVERTISEMENT --
