KALIBO, AKLAN— Gin pasiguro ni Civial Aviation Authority of the Philippines (CAAP) Manager Efren Nagrama nga antes pa man natabo ro bomb joke sa Kalibo International Airport (KIA) hay nagpatigayon eon sanda it security enhancement.
Suno kay Nagrama nga tanan nga security personnel hay gin paidaeum sa security briefing.
Kabahin sigon kara ro pagpaintindi sa andang papel sa pagtao it seguridad engkaso nga may maghana sa KIA.
Sa makaron sigon hay naka-maximize eon ro kapasidad it security forces it KIA kun sa siin nag coordinate eon sanda sa Aklan Police Provincial Office (APPO) agud mag request it additional police assistance apang, sa makaron sigon hay owa pa it sabat ag posibling gina paidaeum pa sa assessment.
Naga pabilin suno kay Nagrama nga normal ro pagpatigayun it proseso sa pag inspection kun sa siin functional ro andang X-ray machines, may presensiya it mga K-9 dogs para sa mga bagahe samtang, iba man ro snifffing dogs maghalin sa PDEA.
Samtang, raya man sigon ro pinakaunang kahigayunan suno kay Nagrama nga may sangka indibidwal nga nagpatigayon it bomb joke sa KIA nga insigidang gin taw-an it naga kaigong igtaeupangud.
Gin kumpirma kara nga na-inquest eon ro suspect nga si Christiano de Angeles, sangka Italian national kun sa siin natigayun raya nga makapiyansa it 6,000 pesos samtang, ro anang arraignment hay nakataeana sa June 27, 2017.
