KALIBO, Aklan — Magapabilin nga una sa full alert status ro bilog nga pwersa it Philippine National Police (PNP) sa isla it Boracay hasta sa uman nga pagbukas kara sa mga turista sa Oktubre 26.
Sa interview it Bombo Radyo, ginpahayag ni Police Regional Office (PRO)-6 spokesperson PSupt. Jo-em Malong mag-eowas sa iba pang festival sa ibang bahin it rehiyon ag ro insurgency threat hay pagatutukan man kara ro re-opening it isla.
Prayoridad sigon nanda ro kaeowasan it mga turista, mapa-lokal man ukon dumueoong.
Kapin sa 400 hasta it 500 nga pulis ro igapakalhit sa Boracay agud magbantay sa entry ag exit points kara.
Ginpasiguro man kara ro andang kahauman sa pagahimuong dry-run sa Oktubre 15 hasta it 25 kon siin ro mga lokal nga turista kapin eon ro mga Aklanon ro pagasugtang makasueod.
