KALIBO, Aklan — Patay ro sang dag-ong ongang eaeaki matapos nga bumaliskad ro andang ginasakyang tricycle sa Barangay Bugasongan, Lezo, Aklan.
Eubus ro kasubo ni Nishie Santos, 27, residente it Poblacion Lezo, Aklan para sa anang naga-isaeahanong onga.
Suno kay SPO3 Zoila Hilario it Lezo Municipal Police Station nga padueong kunta sa Kalibo International Airport ro mag-ina sakay it gin-arkilang tricycle kat gulpi eamang nga nagpoeopot ro butkon it jacket ko driver nga nakasab-it sa manibela sa pang-ulihing kariton kara rason it andang pagkabaliktad.
Naigpit sigon ro mag-ina sa sueod it tricycle nga magabakasyon kunta sa Maynila sa andang padre de pamilyang nagatrabaho idto.
Namatay ro eapsag samtang ginabueong sa Aklan Provincial Hospital.
Samtang, uwa eon nagdihon it reklamo ro ina sa driver nga si Bobe Sta. Maria, 52, ag residente man it nasambitang lugar.
