KALIBO, Aklan—Gintalakay sa ginpatigayun nga session it Sangguniang Bayan it Kalibo ro nagkaeain-eain nga resolusyon it lokal nga gobyerno.
Suno kay Vice Mayor Dr. Cynthia Dela Cruz nga plano nanda nga hinyuon sa Department of Education (DepEd)-Aklan nga estudyuhan ro posibilidad nga pagpatigayun it face to face classes sa banwa it Kalibo.
Raya hay sa pihak nga owa napaeakip ro probinsya it Aklan sa mga lugar nga pwedeng magpatigayun it pilot testing it limited face to face classes matapos nga aprubahan ni Pangueong Rodrigo Duterte ro implementasyon kara.
Mag-eowas kara, naistoryahan man sa session ro may kaangtanan sa bakuna, napaiway nga social pension it mga senior citizen ag ro isyu sa gintaeana nga burial grounds it banwa.
Nasayuran nga may pilang pumueoyo ro nagpaabot it concern angot sa kutkot bangud haeos puno eon raya it tubi.
