KALIBO, Aklan—Uman nga nakalista it onse nga panibag-ong kaso it covid-19 sa bilog nga probinsya it Aklan.
Suno sa Aklan Provincial Epidemiology Surveillance Unit it Provincial Health Office, raya hay halin sa 61 ka mga swab samples nga gintest sa laboratoryo it Aklan.
Sa nasambit nga numero, daywa ro maghalin sa banwa it Altavas; tig-sambilog sa munisipalidad it Buruanga, Malay, Madalag ag Tangalan; kamana man ap-at maghalin sa banwa it Kalibo.
Bangud kara, nagsaka sa kabilugang 12,540 ro kaso it covid-19 sa bilog nga probinsya.
Apang, 12,123 eon ro mga nakarekober halin sa nasambit nga masakit matapos nga nadugangan it 15 ro mga nagmayad kasunod it pagpaidaeom it mga raya sa pagbueong ag quarantine procedure.
Sa makaron hay 102 eon lang ro aktibong kaso nga ginamonitor it PHO Aklan nga ginakaeakipan it 85 nga presenteng una sa facility quarantine, waeo ro naka-home quarantine ag siyam ro admitted.
Samtang, nagapabilin sa 315 ro numero it mga binawian it hueam nga kinabuhi bangud sa nasambit nga pandemya.
