KALIBO, Aklan—Nakalista it ap-at nga withdrawals it Certificate of Candidacy (COC) ro Commission on Election (Comelec)-Aklan sa pagtapos kahapon it substitution ag withdrawal it mga kandidato nga magapadaeagan para sa 2022 national and local elections.
Suno kay Atty. Roberto Salazar, Provincial Supervisor it Comelec-Aklan nga daywa sa mga raya hay halin sa banwa it Ibajay nga ginakaeakipan nanday John Garcia ag Jake Villanueva nga parehong nagapadaeagan sa pagka-Sangguniang Bayan member sa idaeom it United Nationalist Alliance kamana man si Marilou Arsenio nga magapadaeagan bilang Sangguniang Bayan member sa banwa it Lezo kung siin ginbayluhan imaw ni Juan Roberto Ponce samtang si Jonnathan Vergara hay nag-withdraw man it anang kandidatura sa pagka-Sangguniang Panlalawigan member sa Western side.
Angot kara, owa man sigon it mga ginakabig nga nuisance candidate sa Aklan.
Samtang, paga-asikasuhon eon it komisyon ro pag-finalize it listahan it mga opisyal nga kandidato nga posibleng igapaguwa sa buean it Disyembre.
