KALIBO, Aklan—Ginpaathag it Aklan Police Provincial Office (APPO) nga bastante ro numero it mga police officer sa bilog nga probinsya it Aklan.
Raya ro ginpasiguro it taeatapan matapos nga masayuran nga may pilang Chief of Police nga daywa ro ginadumaeahan nga estasyon ukon munisipalidad.
Suno kay PSSgt. Jane Vega, Public Information Officer it APPO nga may ginpapanaog nga memorandum ro national head quarters nga dapat ro tanan nga officer nga nagabuyot it sangka police station hay nakapaidaeom sa officers basic course.
Suno kana, may tatlo eon sanda nga natumod apang sambilog pa eang ro pwede eon nga i-deploy.
Naresolba eon sigon nanda ro kakueangan ag ginpasiguro nga indi kara maapektuhan ro operasyon it mga kapulisan sa pagpabilin it katawhayan ag kaayusan sa bilog nga kumunidad.
