KALIBO, Aklan—Mabahoe ro maibulig it nabatun nga CCTV it mga barangay sa banwa it Kalibo agud nga malikawan ro nagkaeain eain nga klase it krimen.
Suno kay Municipal Disaster Risk Reduction and Management Office ukon MDRRMO-Kalibo Head Terence Toriano nga mabahoe nga pantabog sa mga tawong may maeain nga plano ro CCTV.
Maging basehan man sigon raya it imbestigasyon sa mga nagatuhaw nga aksidente.
Ginsuhestiyon man kara sa mga barangay official nga dapat ro andang monitor hay hugot nga bantayan ag indi ipakita sa publiko ro viewpoint it camera agud nga indi makaangkon it ideya ro mga manakaw kung mauno it eapad ro masakop it camera.
Nasayuran nga makarun hay may una eun nga kapin sa masobra 170 ka mga CCTV sa banwa it Kalibo nga una sa idaeum it pag-monitor it MDRRMO.
Raya hay mag-euwas pa sa CCTV nga igakabit sa mga kabarangayan.
