KALIBO, Aklan—Ninahan ro sangka eaeaki matapos nga ginbuno it anang ingkampod bandang alas-10:28 it gabie sa Brgy. Arcanghel, Balete.
Nakaangkon it lastro sa likod nga porsyon it anang eawas ro biktimang si Jester Pioquid, 26-anyos matapos nga ginbuno it ginatumod nga suspek nga si Lembert Barrientos, 26-anyos ag parehong residente it nasambit nga lugar.
Sa inisyal nga imbestigasyon it Balete Police Station, samtang nagapanikangon ro biktima kaibahan ro anang barkada hay gulpi eamang sigon raya nga ginsalakay it suspek kadungan sa pagbuno sa anang likod.
Angot kara, madasig man nga natabangan si Pioquid ag insigidang gindaea sa Aklan provincial hospital kon siin imaw sa makaron naka-confine para sa anang nagakaigong pagbueong.
Samtang, si Barrientos hay una eon sa kustudiya it pulisya para sa nagakaigong disposisyon.
