KALIBO, Aklan–Nakalista ro Municipal Disaster Risk Reduction and Management Office (MDRRMO)-New Washington it kapin sa 200 nga pamilya ukon katumbas it masobra 600 nga indibdiwal nga ginbakwit sa Brgy. Jugas kasunod it pagbubu it mabaskog nga uean tuga it pagpanaeasa it bagyong Agaton.
Suno kay Emmanuel Andrade it MDRRMO-New Washington, ro mga natungdan nga indibidwal hay presenteng nagatinir sa pilang evacuation center sa bulig it barangay council ag tanod.
Suno kana, hugut ro andang ginahimo nga monitoring sa kahimtangan it bagyong Agaton para makatao it nagakaigo nga abiso sa mga kabarangayan.
Ginpasiguro man kara nga 24/7 nga naka-alerto ro andang opisina ag bilog nga pwersa para magresponde engkaso nga kinahang-eanon.
Samtang, ginakabig man kara nga tumaeagsahon ro pagtuhaw it buhawi sa bahin it Brgy. Ochando ko adlaw it Lunes.
Ginapahayag nga nag-aywan raya it kahalitan sa siyam nga kabaeayan ag sangka baroto kung siin naga-abot ap-at nga pamilya ukon 17 nga indibidwal ro naapektuhan.
