-- ADVERTISEMENT --
NATIONAL News —- Ginkansela ro pilang biyahe sa Ninoy Aquino International Airport (NAIA) bangud sa maeain nga tiempo tuga sa gihapon it epekto it bagyong Agaton.
Sa ulihing abiso it Manila International Airport Authority (MIAA), ginkansela ro nasambit nga mga biyahe kaibahan eon ro flight 5J483 Cebu Pacific nga Manila-Bacolod ag ro return flight kara nga MJ484; Cebu Pacific flight 5J891 ag 5J892 nga biyaheng Manila-Caticlan-Manila; ag CebGo flight BG6177 ag BG6178 nga biyaheng Manila-Masbate-Manila.
Ginlaygayan man ro tanan nga apektadong mga pasahero nga makipag-angot sa mga kompaniya it airlines para sa andang re-booking ukon refund.
