KALIBO, Aklan—Nagapabilin nga ban ro facebook ag messenger app sa nasyon it Russia.
Raya hay kasunod gihapon sa economic sanction nga gin-imponer it ibang gamhanang nasyon bangud sa gyera nga ginkriar kontra sa Ukraine.
Suno kay Bombo International Correspondent Alma Arcilla it Moscow, Russia, nagapabilin nga buhi ro ekonomiya it nasyon maskin papaano apisar nga maabong mga kumpanya ag establisyimento ro nagsarado.
Pakabudlay it husto kanda nga mga overseas Filipino workers ukon OFW’s ro pagsarado it ibang banko kamana man mga remittance center rason nga nalisdan ro mga raya nga magpadaea it kwarta sa Pilipinas.
Sa makaron sigon hay sigidas ro koordinasyon it mga pamunuan it banko sa gobyerno it China sa anda man mismong mga banko idto agud nga maskin paano hay inde maduea sa sirkulasyon ro andang kwarta sa pihak gihapon it naga-iral nga sanction sa Russian government.
Nasayuran nga halin kat nag-atake ro Russia sa Ukraine hay maabong mga nasyon leader it nasyon ro naakig ag nagtuga raya it maeapnagong epekto sa bilog nga kalibutan partikular eon sa Pilipinas nga sigidas ro pagtinaas it produktong petrolyo bangud ro nasambit nga nasyon hay ginakabig nga sambilog sa mga importing countries.
