KALIBO, Aklan—Makataliwan ro siyam nga dag-on, excited nga uman nga magabalik sa munisipyo it Kalibo si dating Kalibo mayor ag sangguniang bayan elect Raymar Rebaldo.
Suno kana nga plano nana nga buytan ro komitiba it maskin ano eamang sa human resource, education, peace and order ag budget bangud nga dikara mas maeapit ro anang tagipusuon.
Apang mas gusto sigon nana ro committee on human resource agud nga matutukan ro mga gina-alegar nga nagakatabu nga red tape sa pilang taeatapan.
Samtang, ginpasaeamatan kara ro tanan nga mga nagsuporta kana bangud nga maskin nga owa sigon masyadong nabatian ro anang mga political ads ag mga election paraphernalias bangud sa kakueangan it election fund hay nagdaog sa gihapon imaw.
Makaron sigon nga nakabalik sa pwesto hay sarang eon nana nga mapadayun ro anang mga nabitin kato nga mga proyekto ag programa.
Sa pihak nga parte, target man ni pook punong barangay ag elected Kalibo SB member Ronald Marte nga mabo-oe ro komitiba sa infrastructure , tourism ag peace and order.
Suno kana nga bilang naging liga ng mga barangay federation president hay maabu ro anang experiensiya sa nasambit nga patag.
