KALIBO, Aklan—Bentaha para sa mga media ro bag-ong laye nga gin-aprubahan ni Pangueong Rodrigo Duterte partikular ro Republic Act 11766 kon siin nagapaeawig raya sa validity it lisensya sa pagdaea it baril.
Nakabaehag sa nasambit nga laye nga ro permit para sa pagdaea it baril sa guwa it panimaeay hay igapaguwa it Chief of Philippine National Police ukon anang representante sa mga indibidwal nga mapamatud-ang may paeag ukon peligro sa kabuhi bangud sa anang propesyon.
Suno kay Kapisanan ng mga Brodkaster sa Pilipinas ukon KBP Aklan chapter president Mr. Apol Zaraspe, mabahoe ro maibulig kara sa propesyon it mga mamahayag partikular sa mga komentarista bangud nga inde mawaea nga may maakig sa andang mga komentaryo.
Apang, kinahang-ean gihapon ro disiplina sa kaugalingon kon nagadaea it armas.
Gintumod ro media nga sambilog sa mga may “imminent danger” bangud sa mga ginabuhian nga pamisaea sa kahanginan partikular kon may ginatalakay nga mabahoe nga isyu.
Beneficial suno kay Zaraspe ro bag-ong laye para sa proteksyon it kada miyembro it accredited media personnel.
