-- ADVERTISEMENT --
NATIONAL News —- Nagbisita si Pangueong Rodrigo Duterte sa ulihing lamay it namatay nga Queen of Philippine Movies ag aktres nga si Susan Roces.
Kaibahan nga nag-agto it pangueo sa Heritage Park, Taguig City si Senator Bong Go.
Ginsug-aeaw man si Pangueong Duterte ag Go it unga ni Roces nga si Senator Grace Poe.
Madumduman nga Mayo 20 hay nagtaliwan sa pihak nga kinabuhi si Roces ukon Jesusa Purificacion Levy Sonora-Poe bangud sa cardiopulmonary arrest ukon atake sa tagipusuon sa edad nga 80.
Adlaw it Huwebes hay gin-eubong ro aktres sa kilid it puntod it anang asawang si “The King” Fernando Poe Jr., sa Manila North Cemetery bandang alas-8:00 it agahon.
-- ADVERTISEMENT --
