Igaduso sa uman ro temporaryong suspensiyon it pagkolekta it excise tax sa mga produktong petrolyo sa oras nga mag-convene eon ro 19th Congress sa Hulyo.
Suno kay Senate committee on public services chair Senator Grace Poe, makabulig ro pagsuspendi sa oil excise tax para insigida nga mabuligan ro publiko bangud mapapanaog kara ro presyo it fuel products ag mabuhinan ro presyo it mga baeakeon.
Gin-insister ni Senator Grace Poe nga ro revenues nga nakokolekta it gobyerno maghalin sa excise tax para pondohan ro cash aid nga igapanudpod hay posibleng maging ulihi eon para sa mga pamilya nga owa eon it makaon bangud sa nagtaea-asan eon ro presyo it mga baeakeon.
Gusto man ni Sen. Poe nga amyendahan ro National Internal Revenue Code para sa automatic suspension it excise tax sa regular gasoline, unleaded premium gasoline, ag diesel kung ro average Dubai crude oil hay nagtaas it eagpas sa $80 per barrel.
Dugang pa ni Poe, ro suspensiyon sa excise tax hay insigida nga magapanaba sa presyo it gasolina it asta sa kapin g P10 pesos kada litro ag P6 pesos kada litro para sa diesel.
