Kapin sa $750 billion ro haegang kinahangeanon para sa reconstruction it nasyong Ukraine maghalin sa hait nga tuga it giyera.
Sa Ukraine Recovery Conference sa Switzerland, ginplastar ni Ukraine President Volodomyr Zelensky ag mga government ministers ro maeapnagon nga halit nga gintuga it ginlunsar nga full-scale invasion it Russia sa Ukraine umpisa ku nagtaliwan nga Pebrero 24.
Gin-insister ni Zelensky nga ro uman nga pagbangon it andang nasyon hay bukon eamang it obligasyon it sangka nasyon kundi it bilog nga kalibutanag raya sigon ro pinakamabahoe nga makabig nga kontribusyon bilang suporta sa pag-angkon it kahilwayan sa bilog nga kalibutan.
Ginpahayag man ni Prime Minister Denys Shmyhal nga ro pagkumpiska sa mga assets it Russia atg Russian oligarchs hay r key source para sa recovery it Ukraine bangud sa ginlunsar nga bloody war it Russia.
Samtang, sa reconstruction plan it Ukraine government, unang pagatutukan ro gilayon nga pagtao it mga kinahangeanon it mga apektado it giyera ag ro pagpondo sa linibung long-term reconstruction projects.
