Mag-asawang senior citizen, ginkalipay ro pagtaas sa andang social pension

KALIBO, Aklan—Ginkalipay it mag-asawang Jacinta ag Juan Ambito,  residente it Sitio Libtong Barangay Estancia, Kalibo  nga naging  laye eon  ro  proposisyon nga  pag-doble ag  pag-obra nga  P1,000 sa andang ginabaton nga kada buean nga pension.

Nasayuran nga ro mag-asawa hay parehong nagabaton it social  pension halin sa  gobyerno.

Sa idaeum it  Republic Act 11916, ro dating P500 nga ginabaton it mga pobre nga  senior citizens  hay magiging P1,000 eon.

Suno sa mag-asawa nga mabahoe nga bulig ro pagdoble sa andang ginabaton nga ayuda  para sa andang ginabakae nga maintenance nga bueong, vitamins, banyos, pagkaon, gatas  ag iba pang kinahangeanon.