KALIBO, Aklan—Nagapabilin nga kipo ro bibig it White House angot sa nagapadayun nga imbestigasyon it US Justice Department sa nabuoe nga mga sensitibong dokumento sa residential estate ni Former President Donald Trump sa Mar-a-Lago, Florida.
Suno kay Bombo International Correspondent Greg Aguilar it California, USA nga halin sa 15 ka mga kahon nga dokumento kapin sa 184 sa mga natungdan nga dokumento ro ginmarkahan nga classified ukon sensitive materials.
Buot hambaeon kara, indi dapat daehon sa guwa it bisinidad it gobyerno ro mga dokumento bangud posibleng magtuga raya it paeag sa seguridad it nasyon.
Sa pihak kara, indi pa masayuran kun posibleng magapangatubang sa kaso ro dating presidente.
Samtang, nagapati sigon si Trump nga may eamud pamulitika ro natabo para punggan ro anang plano nga uman nga pagdaeagan bilang pangueo sa 2024 elections.
