Ginpaathag it Aklan Electric Cooperative ukon Akelco ro rason sa likod it pila ka mga brown-out nga naeksperyensyahan sa bilog nga probinsya it Aklan.
Suno kay Engr. Jude Ropa, head it engineering department it Akelco nga ko mga nagtaliwan nga inadlaw hay nakaschedule ro mga power interruption bangud nga kinahang-ean nanda nga irehabilitate ro andang mga linya sa pila ka mga substation.
Apang, ro mga gulpyadang brown-out nga uwa it abiso hay ana sigon it National Grid Corporation of the Philippines ukon NGCP pero uwa man raya nagabuhay gid it inadlaw kundi inoras manlang man ag magabalik eon ro power supply.
Ginpahayag dugang ni Engr. Ropa nga mabuhay eon ro linya it Akelco halin pa ko dag-on nga gintukod raya apang sigidas makaron ro andang rehabilitasyon agud nga maserbisyuhan it eksakto ro mga miyembro konsumidor.
Engkaso suno kana nga makaeksperyensya it brown-out sa anda nga area hay gilayon nga magtawag sa anda nga taeatapan bangud nga 24/7 ro operasyon ag serbisyo it mga linemen it Akelco.
