New Washington SB Member Rolly Equiña, pormal eon nga nag-pungko sa pwesto bilang presidente it Philippine Councilog League Aklan chapter

Pormal eon nga nag-pungko sa pwesto bilang presidente it Philippine Councilog League Aklan chapter si New Washington sangguniang bayan member Rolly Equiña.

Sa ginpatigayon nga session it 19^th sangguniang panlalawigan it Aklan, pormal imaw nga gin-abi-abi sa plenaryo kadungan ro pag-apruba sa committee ag chairmanship nga anang pagadumaeahan sa termino nga anang pagaserbihan.

Angot kara, nagta-o it mapig-od nga mensahe si Equiña kon siin nagpasaeamat imaw sa mainit nga pagsug-aeaw kana it sangguniang panlalawigan.

Kumpyansa sigon raya nga magampanan ro obligasyon nga ginsalig kana kamana man ginpasiguro nga igata-o ro kutob sa anang masarangan sa responsibilidad nga nakaatang kana.