Ginasuportahan ni Kalibo sangguniang bayan member Augosto Tolentino, ro ginaduso nga hagna ni Senador Raffy Tulfo nga naga engganyo sa publiko nga maggamit it solar power energy.
Raya hay sa tunga it pagtaas sa panueoktan sa kuryente.
Suno kay SB Tolentino, ro solar power energy hay mabahoe ro bulig nga makapahagan-hagan sa konsumo sa kuryente it mga pumueoyo.
Ana sigon nga ginasuportahan ro proposisyong hagna it senador pinaagi sa pagbaeay man it sangka resolusyon agud nga ma-adopt raya it lokal nga gobyerno.
Mataeopangdan nga haeos makaron nga buean it Setyembre hay nagapanghakoe ro mga member-consumers it Aklan Electric Cooperative ukon Akelco bangud sa pagtaas sa andang electric bill kasunod sa pagpataas sa panueoktan sa kada kilowatt hour nga konsumo.
