Kabaliskaran sa ginaeauman it mga konsumidor angot sa pagnaba it presyo it asukar bangud sa tyempo eon it milling season hay ro pagtaas it uman sa presyo kara sa merkado.
Suno kay Betty Robelo, sangka sugar vendor sa Kalibo Public Market nga umabot eon sa 500 kada sako ro gintaas sa brown sugar.
Makataliwan sigon ro pagnaba it presyo it asukar sa merkado sa sueod eamang it sang dominggo hay ro gulpi man karang pagtaas it uman kada kilo bangud sa nagpataas sigon it kapin sa 500 kada sako ro andang supplier.
Ro dating 70-72 pesos kada klo it brown sugar naga-abot eon sa makaron sa 84 pesos ag ro refined sugar nga dating 94 pesos makaron hay 96 pesos eon.
Samtang, paga-eaumon pa gid it mga konsumidor ro pagtaas it asukar kasunod man it daeang epekto it nagtaliwan nga pagpaeanasa it bagyong Karding sa nasyon.
