-- ADVERTISEMENT --
Ginpasiguro it Philippine Charity Sweepstakes Office (PCSO) nga transparent ag may integridad ro kadaeag-an it masobra 400 nga nagtaya ag nagdaog sa 6/55 lotto.
Kasunod eon man raya it waea-tou nga mga reaksiyon sa pagkadaog it masobra 400 nga manugtaya nga may pare-parehong winning number combination.
Suno kay PCSO General Manager Melquiades Robles, bukas sigon sanda sa mga puna ag suhestiyon matapos ro nasambit nga natabo.
Umabot sa 433 bettors ro nagdaog sa 6/55 Grand Lotto nga may jackpot prize nga P236,091,188.40.
Ro kada lucky jackpot winner hay makabaton it P545,245 apang subject sa gihapon sa final tax nga 20 percent bilang pagsunod sa Republic Act No. 10963 ukon ro Tax Reform for Acceleration and Inclusion Law ukon TRAIN Law.
-- ADVERTISEMENT --
