KALIBO, Aklan–Ginkalipay it mga senior citizen nga kwalipikado sa social pension it gobyerno ro ginatanyag nga Unconditional Cash Transfer (UCT) it Department of Social Welfare and Development (DSWD).
Suno kay Kalibo Sangguniang Bayan member Augusto, Chairman it Committee on Seior Citizen nga may ginpagguwa eon nga administrative order angot kara.
Dikara sigon nakabaehag ro ginakonsidera nga dapat mataw-an it prayoridad nga ginapangunahan it mga senior citizen nga naga-edad 80 anyos pataas, ikaywa ro naga-edad 70 hasta 79 anyos ag ikatlong prayoridad ro naga-edad 60 hasta 69 anyos.
Sarang makabaton ro nasambit nga mga senior citizen it kapin sa P4,600.
Ginklaro man it opisyal nga indi pwedeng bayluhan ro listahan it mga prayoridad bangud nakabutang raya sa mismong data base it senior citizen kamana man nga ro DSWD eamang ro magadumaea kara.
