Ginkwestiyon ni Kalibo Sangguniang Bayan member Augusto Toletino ro owa pagsunod it pilang miyembro it konseho sa gin-amyendahan nga Resolution 2022-0173 nga may pestsang Setyembre 26, 2022.
Gintaw-an it punto ni Tolentino nga nakabaehag sa nasambit nga resolution nga limitado eamang sa 15 items, tatlong resolution ag tatlong ordinansa ro ginapasugtan nga ipasa it kada Sangguniang Bayan member.
Apang, umpisa sigon ko Oktobre 24 natueopangdan kara nga medyo gin-eabag it pilang SB member ro gin-amyendahan nga resolution.
Gusto sigon kara nga pukawon ro atensyon it mga natungdan nga indibidwal kung ham-an owa nanda ginsunod ro internal rules.
Dapat sigon nga maintindihan ag usisaon it mga in-charge nga nagabaton it resolution agud nga malikawan ro pag-eabag.
