Ginbasura it Sandiganbayan ro mosyon nga gindihon it gobyerno para ideklarang in default ro 7 iba pang defendants sa P2.3 billion ill-gotten wealth case kontra sa pamilya Marcos.
Bangud kung ro sambilog sigon nga defendant hay nagpamalibad ukon napaseawan nga magsabat sa gintaeanang period, ro nagademanda hay magadihon it sangka mosyon para ideklarang in default ro sangka defendant.
Engkkaso nga panigan raya it korte, ro defendant hay indi eon maka-participate pa sa anuman nga paglitis sa kaso apang padayon nga makabaton ro defendant it kopya it pleadings ag court issuances.
Una kara , ro Civil Case No. 0010 hay gindihon ko Enero 22, 1987 kung siin ginkuwestyon it gobyerno ro masobra P2.33 billion assets it Marcoses ag it andang co-defendants.
Sa nasambit nga assets kaeakip ro P1.701 billion nga real properties ag P626.64 million shares of stocks it nagakeain-eain nga korporasyon.
Kaibahan sa gin-apela nga in default sa nasambit nga civil case hay sanday Anthony P. Lee, Severino Dela Cruz, Jose P. Fernandez, Jose Marcelo Jr., Gabriel Llamas, Mariano Balgua, ag Jose D. Campos Jr.
Una eon nga gindeklarang in default sa nasambit ngna kaso sanday dating Pangueong Ferdinand Marcos Sr ag si dating first lady Imelda Marcos ko June 26, 1989.
Kamana man ro mga defendants nga sanday Hilario Ruiz, Arturo Pacificador, Joselito Manat, Ceres Manat, ag Antonio Espeleta nga gindeklarang in default ko Sept. 27, 1994, samtang si dating Tacloban City Mayor Alfredo T. Romualdez hay gindeklarang in default ko Sept. 27, 2018
