Nagapabilin nga mainit ro sambuwa sa kada koponan nga nakasueod sa round of 16 sa nagapadayon nga FIFA World Cup 2022 sa nasyon it Qatar agud nga makaabanse ro mga raya sa quarter finals.
Suno kay Bombo International Correspondent Felmer Villanueva, ro ibang koponan nga uwa ginswerte nga makaabot sa knock-out stage hay nag-uli eon sigon sa andang nasyon nga ginhalinan.
Apang, ro andang mga fans hay nagpabilin pa sa Qatar agud nga maglibot sa mga ginapabugae nga tourist destination it nasyon.
Ginapanan-aw ni Villanueva nga ro koponan it France ro magaabante para sa finals bangud nga pagadepensahan it koponan ro andang titueo bilang defending champion.
Sa makaron, nakasueod eon sa quarter finals ro koponan it Netherlands, Argentina, England ag France.
