Kumpyansa si Pangueong Ferdinand “Bongbong” Marcos Jr. nga ro Pilipinas hay nagahueag sa tamang direksyon samtang raya hay padayon nga nagabangon.
Raya hay ginpahayag ni Marcos matapos ireport it Philippine Statistics Authority (PSA) nga ro Pilipinas hay nak 2022, ro pinakamataas sa sueod it 46 nga dag-on umpisa tag maglista ro nasyon it 8.8 porsiyentong pag-umwad ko 1976.
Sa pihak kara, ginpahayag it Pangueo nga owa pa nababatyagan it ibang sektor a ro pag-umwad it ekonomiya bangud sa inflation.
Samtang, gina-eauman man it anang administrasyon nga maganaba ro inflation rates, eabi eon sa mga agricultural products, sa pagtapos it Second Quarter.
Naga-eaum man raya nga maganaba sa ap-at nga porsyento ro inflation rate it nasyon sa pangatlo ukon pangap-at nga quarter it presenteng dag-on, suno sa pagtantya it Bangko Sentral ng Pilipinas (BSP).
Samtang, para raya hay maboue gin-insister ni Marcos ro nagapanguna nga katuyuan it anang administrasyon nga maka-engganyo it mga foreign investors para mapabilin ro nasambit nga pag-umwad.
