-- ADVERTISEMENT --
Ginpangunahan ni Dr. Richard Nixon Gomez, scientist ag imbentor it Bauertek Corporation, kaibahan ro media ag andang ginbisitahan ro laboratoryo kun sa siin igaproseso ro medical cannabis ukon marijuana agud nga obrahon nga bueong.
Raya hay ginaeauman sigon nga bueong para sa nagkaeain-eain nga klase it sakit ag grabeng baeatian kapareho it depresyon, epilepsy, Alzheimer’s disease, sleep disorder, anxiety ag maabu nga iba pa.
Suno kay Dr. Gomez, engkaso nga maging laye eon ro paggamit it medical cannabis, haum ro laboratoryo sa pagproseso para obrahon nga medical tablet ag medical oil ro cannabis.
Pwede sigon raya nga idungan sa mga herbal medicine ukon food supplement .
