Welcome development para sa grupong Bayan Panay engkaso nga maaprubahan ro pagpataas it P150 pesos sa minimum wage it mga trabahador sa nasyon.
Apang, ginpahayag ni Mr. Elmer Forro nga ro nasambit nga kantidad hay tuman pa kaeayo sa cost of living it sangka pamilya sa makaron nga panyempo.
Sa kamahae suno kana it baeak-eon makaron hay bukon gihapon it bastante para sa nagasweldo it P450 pesos kada adlaw ag kon madugangan it P150 pesos hay magiging P600 pesos eon ro andang kita.
Pero makabulig eon maskin papaano ro P150 pesos rason nga nag-apela si Forro sa mga mamalidha nga aprubahan ro nasambit nga hagna para makapahagan-hagan sa presenteng sitwasyon it mga minimum wage earner.
Nauna eon nga nagpaandam si Finance Secretary Benjamin Diokno nga maga-grabe eamang ukon magasaka it 1.4 percentage points ro inflation sa nasyon engkaso nga aprubahan ro pagpataas it P150 pesos sa mimimum wage sa bilog nga nasyon.
Ginpaathag it opisyal nga posibleng magaresulta raya sa inflation kon sa siin ginaboeobanta nga 1.4 percentage points ro igasaka sa inflation base man sa estimate it National Economic and Development Authority (NEDA).
