Ginpaiway makaron it Department of Agriculture ro pagpaguwa it Suggested Retail Price (SRP) sa puea ag puting sibuyas.
Suno kay DA Deputy Spokesperson Asec. Rex Estoperez, gusto anay nga tun-an it mayad ni DA Senior Usec. Domingo Panganiban ro gin-rekomendang SRP sa sibuyas.
Sa naunang rekomendasyon, gintaeana sa ₱150 ro SRP sa kada kilo it pueang sibuyas samtang ₱140 man sa puting sibuyas.
Ginpaathag ni Estoperez, owa eon sanda naila nga mauman pa ro natabu kato nga nagpaguwa sanda it SRP apang owa it nagsunod.
Suno kana nga owa sanda naila nga pwersahon ro mga trader nga magpanaba it presyo apang napilitan eamang.
Bangud kara, mas pagapabaskugon it DA ro pag-inspeksyon sa mga cold storage agud nga makita ro kabilugan nga suplay it sibuyas sa nasyon.
